सुनिता गिरी
शुभकामना नयाँ बर्षमा
स्वागत गर्दछु मुटु चहराएर दुखिरहे पनि
गाउँघर अनि आफन्तको माँझ बाट चोइटिएर,
बिरानो मुलुकमा समयको खुट्किलो उक्लिरहे पनि
अथाह आँशुको भेलहरु रोक्दै
पन्छाँउदै बाधा अड्चनका झाडीहरु
आकाशको कालो बादल पन्छाएर
हेर्न चाहन्छु शान्तिको परेवा उडिरहेको
शुभकामना नयाँबर्षमा
झोक्राएर मलिन चेहेरा,
थाकेर बिसाएका सुस्केराहरु रोक्दै
टोलाएर खोजिरहेका पाइलाहरुमा
पलेटी कसेर मन्द मुस्कानमा
शान्तिको लागि जप्दै गरेका उनै ज्ञानी मान्छे
खोजीरहेछु गौतम बुद्धलाइ शान्तिमन्त्र जपिरहेको
शुभकामना नयाँ बर्षमा
तेरोमेरोमा समय खर्चिदै,
नाराबाजीको बिगुल बिर्सेर
हामी नेपाली हाम्रो नेपाल
सगरमाथाको कसम खाँदै
ढाका टोपीमा ढलक्कै ढल्किएर
चैाबन्दी चोलीमा मसक्कै मस्किएर
स्वागत गर्दछु नयाँ बर्षको
युनलङ




