गजल


भूपेन्द्र महत

तिम्रो यादमा मैले भए जति आँसु पिएको छु
नआउ फेरी च्यात्न बल्ल मैले छाती सिएको छु

नाफा नोक्सान जोख्न नखोज भो मायाको तुलोमा
मन घाटा खाएरै नि तिम्लाई मुटु दिएको छु

कस्को आँखाले हेर्यौ चोखो मायामा खोट देखिछौ
आखिर खुशी दाइजो दि आँसु मैले लिएको छु

उजाड उराठ हृदयमा आशाको मुना भाँची
बिना अर्थको जिबन एकचोटि फेरि जिएको छु

कतै नजर मिले चिन्ने कोशीस नगर्नु बेर्थै
तिम्रो यादमा तड्पी अब त सियो झै खिएको छु

गजल


आचार्य प्रभा

तिम्रो मनको मझेरिमा बास दिन्छौ कि ?
बाँच्ने रहर पुरा गर्न सास दिन्छौ कि ?

तिम्रो निम्ती भएँ म त,भिखारी सरि नै
थोरै खुशी बटुल्नलाई आश दिन्छौ कि ?

ओलाएकी थिएँ म त ,बसन्त नै नआइ
फेरी फूल भइ फुल्नलाई मधुमास दिन्छौ कि ?

एक्ली थिएँ भिँडमा पनि उदास थियो नयन
खुशीको आसुँ झार्न बाहुपास दिन्छौ कि ?

(अमेरिका )

एउटा चित्र :विकिपिडिया जस्तो


स्यानु पाईजा

कुन मुड मा हो कुन्नी
एउटा चित्र :विकिपिडिया जस्तो
खुल्ला सम्पादनको लागी छ
मैले कोरेका क्यानभासको धरतल
दिन दिनै बद्लिरेहको छ
नारी कोमलता मेरो चित्र भित्र
पहिलो दिन-कसैले ओठमा लालो चढाएछ
दोस्रो दिन-कसैले बिन्दिया लगाईदिएछ
तेस्रो दिन-गाँजल थपिएछ
चौथो दिन-कानमा कुन्डल
यो पुर्ण सृगार मा नारी
वहा ! क्या सुन्दर
सायद मैले न्याय गरे चित्रलाई
मैले सिगारेको भन्दा सुन्दर देखे
एउटा चित्र :विकिपिडिया जस्तो
तर मेरो मनको खुसी
प्वाँल परेको छ बेलुन जस्तै
अर्को दिन- सिँउदोमा सिन्दुर
गलामा क्राईस्ट जडेको मंगलसुत्र
कालो लामो केशलाई
ब्वाईज कट बनाईदिएछ
चित्र नै हो चित्र तर
किन मन खिन्न हुन्छ ?
मलाई डर लागी रहेछ
अन्याय भएको भान हुदैछ
बिस्तारै यस्तो भयो
मैले नसोचेको भयो
कसैले छातीका गोलाई बढाएछ
कसैले पारर्दर्शी कपडा ओढाएछ
सहन नसकि पिडा-मनको
आफैले कोरेको चित्र मेटाएको छु
यहि फ्रेम मा एउटा चित्र थियो
एउटा चित्र :विकिपिडिया जस्तो
आज यो फ्रेम कालोपाटि जस्तो छ
तै पनि किन हो पटक पटक
मैले छाडेको चित्र सम्झेर हेर्न मन लाग्छ
सम्झन मन लाग्छ: मैले अन्याय गरेको
एउटा चित्र :विकिपिडिया जस्तो
पात्लेखेत-७, म्याग्दी

एउटी वीरंगानाप्रति श्रद्धाञ्जली


हस्त गौतम मृदुल

स्तब्ध पारी छोडेर गयौ सुन सान पारेर
सपनीमा पनि नभेटने गरी माया नै मारेर

भक्कानो छोडी रुदै छु एक फन्को मारेर
बाँचुन जेल केही सकिन् गर्न खुशीमा राखेर
अन्तिम पल्ट दर्शन गरे, भावविहृवल भएर
दुर्इ थोपा आँसु चढाउछु श्रद्धाञ्जली दिएर

बिधिको बिधान यस्तै नै रैछ छोडेर गैदियौ
स्मृतिको दिब्य स्वरुप छोडी बिरानौ भैदियौ
बिर्सने छैन राष्टले कहिलै अमुल्य योगदान
पैल्याइ तिम्रो सहिबाटो गाउने छौ जयगान

गजल


केदार श्रेष्ठ गगन

अब कसैसँग मायाप्रीति लाउँदिन म
तिम्रै लागि मठमन्दिर धाउँदिन म ।

गयौ टाढा मुर्छा पारी मुटुमा छुरा धसी
रुँदै-रुँदै दौडिदै तिम्रो पछि आउँदिन म ।

एकैछिन रमाएनि घातक हुँदो रैछ माया
प्रेम-पत्र पढी अब कहिले पनि रमाउँदिन म ।

लुक्दैभाग्दै हिड्छौ तिमी गगनभन्दा माथी
मेरै अघि हिँडे हुन्छ झुक्किएरनि समाउँदिन म ।
भीमस्थान-५सिन्धुली
हाल-अनेसास यू.ए.ई.च्याप्टर

गीत


दिलिप योन्जन

कसरी गरु तिम्रो प्रशंसा, चाँदमा कुनै दाग छैन
तिमी बिना यो जुनिमा, जिउने कुनै आधार छैन।

तिम्रो हासो मेरो खुसी, यसै गरी जीवन बितोस
सुख त दुईपलको हो,दुखमा सधै साहारा मिलोस

कसरी देखाउ तिम्रो माया,छाती चिरी देखाउ सक्दिन
तिमी बिना यो जुनिमा, जिउने कुनै आधार छैन।

तिमी पाए जिबन पाए, सुख शान्ति मिले कै छ
अर्को जन्म यिनलाई पाउ,भगवनसंग यही प्रार्थना छ

कसरी भनु तिम्रो बारेमा, देउता सरी पुजेकि छिन
तिमी बिना यो जुनिमा, जिउने कुनै आधार छैन।

अस्टिन अमेरीका

प्रदेशमा भएनी


गीता थापा

नेपाली हामी नेपाली'भै नसोचौ
पराई जो जहाँ रहेनी.

नेपालको माया औधी छ हामीलाई
प्रदेशमा भएनी।

प्रदेशमा बसी फूलेका सृजना
नेपालमा लगी सारौला।

जन्मेको भुमी भुलेका कहाँ छौ
धर्ति माता लाई सिङ्गार्न पुगौला।

उघारी हेर मनको पर्दा नेपालको
माया सबैको मुटुमा छ

फुलाउन सके विश्वाश सबैमा नेपाल
हाम्रो स्वर्गनै बन्द छ।

हाल - इजरायल

हाम्रो नेपालमा


देवराज ओली

जनता भन्दा नेता धेरै भाषान गर्नेहरु
गरिव आनी निमुखा माथि शासन गर्नेहरु

पार्टी खोल्ने मेहनतले उधोग खोलिदेउ
पार्टिका नारा भन्दा पिडा र भोक्मरीका आवाज बोलिदेउ

बन्द गर्ने नेत्त्रितो ले बिकास गर्न खोज
तछाड मछाड भन्दापनी निकाश गर्न सोच

श्वास्थ्य शिक्षा नपाएर रोगले मर्नेहरु
खान लाउन नपाएर भोकले मर्नेहरु

सोचिदेउ अबिभाबक बनेर यि जनाताका चोटहरुलाई
नबिर्स बिगतका अंमुल्ले ती जनाताका भोटरुलाई

ईमेल -indra_sagar2001@yahoo.com
देवराज ओली घोराही नगरपालिका -३
घनिबगिया दाङ नेपाल हाल दुबइ यू. ए. ई.

बिफलताको क्रान्ति

आशिष पाण्डे

सत्तामा त पुग्यौ क्रान्ति, देशलाई केहि भएन
युद्ध कालको बानि तिम्रो, कहिल्यै गएन ।।

यसो गर्यौ भने क्रान्ति, तिमी कहिल्यै टिक्दैनौ
आफ्नै सन्तान मारेर, देश बनाउन सिक्दैनौ

आफ्नै स्वार्थ देख्छौ क्रान्ति, जनताको मर्म देख्दैनौ
देशको मुख्य कुरा तिम्ले, संविधानमै लेख्दैनौ ।।

सारा जनता भ्रममा परे , तिम्रा स्वार्थी कुराले
देश अनि जनतालाई नै, हानिदियौ छुराले ।।

आफ्नै स्वार्थ पुरा गरि, देशलाई उधो झार्दै छौ
आखिर निर्दोष जनता, तिम्ले, किन मार्दैछौ ?

अति मात्रै होइन क्रान्ति, अत्याचार पनि गर्यौ
सारा जनता भोकै राखी, आफ्नो मात्रै पेट भर्यौ ।।

देश बनाउ भनि तिम्लाई, जनताले छोडिदिय
के देश बन्छ ? दलहरुको सहमती तोडिदिय ।।

ठमेल , काठ्मान्डौ , नेपाल

बरै भन्ने कस्ले


दिलिप योन्जन

तिमी बिना बाँचु भन्दा,कुरा काट्छ सबले
एउटै मुटु दुइटा हुदा, बरै भन्ने कस्ले।

कसम यियो सात जन्मको,धोका दिइस भन्छे
तिमी बिना मर्छु भन्दा, नाटक गरे रे मैले
मलाई दुख्दा रुन्थी पैले,हासी हिड्छे अहिले
एउटै मुटु दुइटा हुदा, बरै भन्ने कस्ले।

तिमी मर्दा म नि मर्छु, गर्थी रोई बाचा
एक्लो भए साथ माग्दा, हा हा हास्छे आज
दुख पिडा बाड्छु भन्नेले,काडामा उनी अहिले
एउटै मुटु दुइटा हुदा, बरै भन्ने कस्ले।

अस्टिन, अमेरिका

फर्कि आउनू


केदार श्रेष्ठ 'गगन'

सम्झिएर फर्कि आउनू पर्खि बसुँला
आँटो पिठो जे छ घरमा पकाइ राखुँला ।

लोग्ने मान्छे कुन्नी किन भर हुँदैन भन्छन्
घरको विर्सी जता राम्रा उतै मन लान्छन्
जहाँ गए नि मन नडुलाउनू पर्खि बसुँला
आँटो पिठो जे छ घरमा पकाइ राखुँला ।

पराइ ठाउँ पराइ मान्छे कठै भन्ने कोही हुन्न
फर्कि आऊ चाँडै घर आफ्नै खोरियाबारी खन्न
तिमी आउने बाटो हेरी पात्रो कोर्दै बसुँला
आँटो पीठो जे छ घरमा पकाइ राखुँला ।

भीमस्थान-५सिन्धुली
हाल-अनेसास यूएई च्याप्टर

धर्म


बसन्त मोहन अधिकारी

संसारको यात्रा गर्दा
हर ब्यक्तिको सोधाई
परिचय दिदै गए
उनिहरु सोध्दै गए
कहाँबाट आयौ ?
मेरो उत्तर धर्तीबाट
चन्द्र र सुर्यबाट त म आएको होइन ।
तिर्मो धर्म के हो ?
मानव कल्याण
एउटै मानव जातिमा बिभिन्न धर्म हुन सक्दैन ।
कयौ स्थानमा
कतिले पागल भनेँ
कयौले ज्ञानि भनेँ
तर म दुवै होइन ।
म त बिध्यार्थी हुँ ।
यो संसारसंग सिक्दैछु ।
मानवका विसङ्गती र बिक्रिती चिर्दै
प्रकृती स्वरुपको सत्य खोज्दै छु ।

बिभिन्न स्थानमा
बिभिन्न समयमा
आवश्यकता अनुरुप
तिमीले जे लेख्यौ
तिर्मा धर्महरु
मानव सविधान न हो ।
परिर्वतनशिल संसारमा
तिर्मा धर्महरु यथास्थितीमा रहेँ
आज समय र कालसंगै चल्न नसक्ने भए ।

यो एकले अर्कोलाई दोषारोपण
धेरैले धर्मकै प्रश्न गर्ने भए
धर्मयुद्ध लड्दै रहेँ
तिमीले भने जस्तै
धर्म
इसाई
मुस्लिम
हिन्दु
र बौद्धिष्ट इत्यादि भने होइनन् ।
यि त मानव लिखित
मानवकै बौद्धिक सम्पतीहरु हुन् ।
एउटै मानव वंशमा
एउटै सत्य धर्म
मानव कल्याण कसैले लेख्न सकेनन् ।
सबै भौतिकवादी हुन् ।
क्षणिक सुख खोजी रहेकाछन् ।
यसका उपलब्धिहरु
महल, पजेरो, जहाज र कामवासना हुदैँ
बम, बारुद र मिसाएल सम्म आएकाछन् ।
आ आफ्नो स्वार्थ पुर्तीका आधार
आआफ्नै धर्म स्थापित गर्न
यो धर्ती र मानव वस्तिहरुमा
तिनै उपलब्धिहरु ठोकिरहेकाछन् ।
मानव मारिरहेकाछन् ।
लिङ्ग भेद र अमानविय कार्य गरिरहेकाछन् ।

यो अध्यात्मिकतामा भौतिकवादको प्रकोप
क्षणिक सुखभोगको कामनामा
म आफ्नो भाग खोजी रहेको छु ।
उँ उसको भाग खोजी रहेछ ।
नपाए उहि धर्मको नाम छ ।
सोझा सिधालाई लडाई रहेछन् ।
यहि सत्यता र यर्थाततालाई
हामी धर्म भन्छौ भने
चैतन्यशिल मानवलाई
मेरो भन्नु केही छैन ।

चितवन

उज्यालोको प्रतिक्षामा

खगेन्द्र थापा

के नै छ र दुनियामा मन फाटे टाल्ने कुरो
छोडिदेऊ मुलुकमा अब राँको बाल्ने कुरो

ज्योति छर्नु घाम जून झै सारा संसारभरि
गर्नु हुन्न कहिल्यै पनि तनमन गाल्ने कुरो

दिन बिते वर्षबिते युगौं युग बिति सके
नभन है भोली भोली शुभकर्म थाल्ने कुरो

नया नेपाल बनाउन सोच नै नयाँ हुनु पर्छ
वीरहरुले गर्नु हुन्न पेट मात्रै पाल्ने कुरो

उन्मत्तभै हिंड्नु हुन्न बुद्धिविवेक लाउनुपर्छ
बाँकीनै छ अझैपनि दुःखपीडा फाल्ने कुरो

यस्तै हुदो रहेछ

रामु गैरे

यस्तै हुदो रहेछ साथी बिदेशमा माया बसेपछी
अरबी तरुनिको माया जालमा फसेपछी

मन लोभौने रहेछ अनेक थरिको मेक अप घसेपछी
अलग हुन गाहरो रहेछ मायाको फन्दमा पसेपछी

कहाँ सुख्ह पाइदो रहेछ र अरबीकी छोरीले डसेपछी
बल्ल थाहा हुदो रहेछ तनखा जती सकेपछी
अनी मात्रै होश आयो छहराबाट खसेपछी

चिउरामती नुवाकोट अर्घाखाँची
हाल दुबइ

गजल


टेक थजालीमगर

पैतीस जना यात्री थियौ पानी जहाज सँगै डुब्यौ
पाँच बाँचे तीस उल्टियौ पानीजहाजसँगै डुब्यौ

असारको मध्यान्तर पछि बिहानी पख थियो
मृत्‍यु सागरमा अल्झियौ पानीजहाजसँगै डुब्यौ

आयो काल छाल बनी लग्यो दर्जन नेपाली
कसरी बलिदान दियौ पानीजहाजसँगै डुब्यौ

टुहुरा भए बालबच्चाहरु खुसीसँगै लग्यौ सिंन्दुर
यै!धर्तिमा जन्म लियौ पानीजहाजसँगै डुब्यौ

पर्वत,बाग्लुङ,बारा,बाँके,दाङ,अर्घाखाँची
पिडाहरु कसरी सियौ पानीजहाजसँगै डुब्यौ

रोल्पा,पाल्पा,महोत्तरी,धादिङ,नवलपरासी
आश्रित लेनी आँशु पियौ पानीजहाजसँगै डुब्यौ

त्यो दु;खद दुर्घटनामा भयौ दैवको आहारा
साहाराहिन हामी कसरी जियौ पानीजहाजसँगै डुब्यौ
झिं-८,म्याग्दी हाल;युएई
email -
tek_thajali@yahoo.com

नेताजीलाई मेरो आग्रह


चकेन्द्र राई कैदी

उहिले उहिले
भारतीय सेनामा भर्ती गरेजस्तै
समानुपातिकको नाममा
सांसदहरूलाई भर्ती गरी
संसद्भवनलाई नै खुलामञ्च बनायौ !!
ऐतिहासिक
संविधानसभाको निर्वाचन गरी
अन्ततः जनताबाट तिरस्कारहरू नै
मन्त्री र प्रधानमन्त्री भयौ
धन्य छ नेताहरू !!
नेपाल र नेपालीलाई
अनि सिङ्गै विश्वलाई
एउटा अदभुत चमत्कार देखायौ
आफूले भनेजस्तो भए
सिङ्गै पृथ्वी जितेजस्तो गछर्ाै
आफूले भनेजस्तो नभए
सर्वस्व लुटिएजस्तो गछर्ाै
न देशको चिन्ता
न जनताको चिन्ता
धन्य छ बिन्दास नेताहरू !!
कहिले नयाँ दुलहा-दुलही
जस्तै चाटाचाट गछर्ाै
कहिले सौता-सौता र जार-जार
जस्तै काटाकाट गछौ
सीमापारिका राक्षसहरूले
नेपाल चेलीहरू बलात्कार गर्दा
मुख नखोल्ने
ए ! साधु नेता हो
नेपाली भूमि मिच्दा
हल्ला मात्र हो भनेर जनता
ढाँट्न खोज्ने
ए ! सुजाताहरू हो
अब त अति भएन र ?
गरिमामय संविधानसभालाई
तिमीहरूको रंगमञ्च नबनाई देऊ
यो नाङ्गो नाच नाच्न पनि छाडिदेऊ
बिन्ती छ नेताजी
तिमीहरूजस्तो नेता
राजनीतिबाट टाढिदेऊ !!