मीठो सहानुभुति

आचार्य प्रभा

सहानुभुतिका शब्दहरु देउ तिमी
तर ---झुठो आश्वसन् दिएर
भ्रममा नफसाउ कसैलाई पनि /
तिम्रो मीठो सहानुभुति
कसैको बाँच्ने आधार बन्न सक्छ भने
तिम्रो झुठो आश्वसन
कसैको जीवनको समाप्ती पनि हुन सक्छ /
मान्छे भन्नु नै ,
आशा अनी निराशाको संयोजनमा
अल्झने प्राणी हो ,
त्यसैले ऊ हरपल
सहारा,सहानुभुती र आश्वसनको
अभिप्शामा बाँची रहेको हुन्छ,
आशाको सुनौलो कल्पनामा डुबेर
जीवनलाई रङिन क्षितिज बनाउन
लालायित हुन्छ ,
त्यसैले म भन्छु
झिनो सहानुभुतिले पनि
कसैको बाँच्नुको अर्थ हुन्छ भने
अनी बचाउनुको मूल्य हुन्छ भने
बांड तिमी सहानुभुतिका शब्दहरु
छर तिमी मीठासरूपी
सत्य बचनहरु
अनी पो मान्छे हुनुको सार हुन्छ /
(अमेरिका )