भानेन्द्रकुमार सम्बाहाम्फे
उठौं ! जागौं !! नेपाली हो, लिइ जोश जाँगर ।
जुटौं ! सबै नेपाली हो, वैरभाव बिर्सेर ।।
देशको विकास गर्नुछ, चुमेर शिखर ।
स्वर्गतुल्य मातृभूमि, बनाऔं मिलेर ।।
रङ्गीचङ्गी फूलका माला, कैल्यै नवैलाउने ।
सुत्र हामी एकताको, कैल्यै नचुडिने ।।
भाषा हाम्रा अनेक छन्, जात थरिथरि ।
भूगोल् हाम्रो एउटै छ, संस्कार परिपरि ।।
हिमाल पहाड् तरार्इ, साझा देउराली ,।
देश विकास्मा जुट्तछौं, भै एक नेपाली ।।
बाटा अनेक् हुनसक्छन्, गन्तव्यमा पुग्ने ।
तरिका अनेक होलान्, लक्ष्य भेट्टाउने ।।
बाटा अनेक् भए पनि, लक्ष्य हाम्रो यौटै ।
नेपाल् महान् बनाउने, आफ्नोपन बाटै ।।
२०६४/०५/०५
काठमाण्डौ ।
No comments:
Post a Comment