मनहरुलाई

उषा गिरी

सुनसान रातमा
गाउको चौतारीको
रहरलाग्दा झ्याङ्गिएर बेरिएको
सितलताले
च्यातिएको मनहरुलाई
सितलता नदिदोरहेछ
बादलका पछ्ह्यौरी भित्र
कोमल हासो
पवित्र स्नेह सम्झन्छु
गाउघर पाखा पखेरा
सबैतिर हेर्छु
भ्रम हो कि भनेर
अनि बेर्न मन लाग्छ
एक अन्जुली यादका पलहरु
टुक्राटुक्री छल्किने यादहरु
समयको आचलभित्र
अङ्कमाल गर्न मन् लाग्छ
हरपल यि आँखाहरु
उराठिला काल्लाहरुमा
कन्दराहरुमा
हावाको झोकाहरुसङ्गै
सुकसुकाउदै
नतमस्तक हुन्छु
भोगाइहरुमा बासना उम्लिन्छ
जिन्दगीलाई मनमनै
रुपान्तरित गर्न खोज्छु
बोझ लाग्छ आँफैलाई
चुपचाप सहिदिन्छु
पिडा भुल्ने बहनामा
रात गहिरिदै जान्छ
फुल्नु र झर्नुको बाध्यतामा ।

बेल्जियम ,ब्रस्सेल्स
u-giri@hotmail.com