यो मेरो संकल्प हो

इप्सुल मगर

लालीगुराँसको रंग भन्दा
गाढा वनोस्
शिर ठडाएको सगरमाथा भन्दा
उच्च वनोस्
आ - जीवन हाम्रो सम्वन्धमा
वषन्त छार्इरहोस्
यति मीठो र अटल हाम्रो
सम्वन्ध वनोस्
ताकी प्रत्येक पल
कोईलीले पनि
हाम्रै गीत गाईरहोस्
पाखा र पखेराको चट्टान
खिईएर जाला
धर्ती र आकास
एउटै होला
यात विर्सिएला
दिनलाई सूर्यले भने
जुनेली रातलाई चन्द्रमाले
मुटुमा विश्वास अनि
मायाँ मनमा भरि
हामी बिच सदभाव
इमान्दारी र समझदारी
अनि मायाँ छुट्ने छैन
मृत्युले अंगाले पनि
सम्वन्धमा हाम्रो
यति भरोसा छ मलाई
जस्तो कि मृत्यु जीवनको
ध्रुव सत्य हो
हामी दुर्इको आशामा
कुठाराघात हुने छैन
एकापसमा समझदारीको
मनमुटाव हुने छैन
यदि र्इश्या गर्छन् भने
कसैले हामीमा
गर्वले फुल्ने छन्
हाम्रा यी छाती
सम्वन्धमा तगारो हाल्न
खोज्छन् भने
ब्यर्थ हुनेछ त्यो दुश्प्रयास
झुक्नेछन् ती शिरहरु
अन्त्यमा हामीसँग
दृढ विश्वास मात्र होइन प्रिय !
यो मेरो संकल्प हो