प्रदेशीलाई जन्म-भूमीको सन्देस

दीपेन गर्बुजा

स्वदेशमा हुँदा तिमी धेरै दयालु थियौ
आफ्नो कर्त्तब्य पुरा गरेर नै छाड्छु भन्दथ्यौ
तिम्रा ति अठोटहरु देखेर
मेरा यी मनहरु सधै खुशी हुन्थे
तिम्रो त्यो लगन्सिलताको कदर सधै गरिरहन्थे
तिमीले मेरो हरेक क्षेणहरुको मर्म बुझिदिन्थ्यौ
स्वदेशीमा हुनु पर्ने गुणहरु मलाई देखाईदिन्थ्यौ
तर...........
जब तिमी पर्देशी बनेउ
तब मैले तिम्रो हरेक क्रियाकलापहरुको समिक्षा गरे
तिमी मलाई फर्की हेरेनौ
आफ्नो स्वार्थ को लागी पैसाको पछी दौडेको देखे
मेरो मन निराशा भयो
तिमीलाई गरेको विश्वास
बिसतारै घट्दै गयो
तिमीले त्यहाँ देखाएको मेहनत
कसैले सुनेनन्
तिम्रो मन प्रदेशी बन्यो
तिम्रा ति पहिलाका कार्यहरुको,
अहिले यहाँ कसैले वास्ता गरेनन्
त्यसैले,
बिन्ती छ प्रदेशी
यहाँको निष्चल वातावरणसँग
रमाउने गर.... बनेर स्वदेशी
आफ्नो स्वार्थमा मात्र नलाग
स्वदेशमा बसेका साथिहरुसँग पाठ सिक
आफ्नो प्यारो जन्म-भूमीलाई माया गर
ठिकै छ....
अहिले तिमी प्रदेशी बन्यौ
तिमीले एउटा महत्त्वपूर्ण पाठ सिक्यौ
स्वदेशमा नै रमाउने
आउने पुस्ताहरुलाई सिकाउ
प्रदेशी बनेर होईन
स्वदेशी बनेर नै जीवन बिताउ ।

दग्नाम ५, म्याग्दी