दोषी

बि जे बान्तवा

तिमी मलाई दोषी कहिल्यै नसम्झनु
किनकी दोष हामी दुईमानै थियो
तिम्रो गहिराइमा म डुब्न सकिन
तिमीले पनि त मेरो हृदयको दर्पन चिहाएनौ
तिम्रो सबै पलहरुमा साथ दिने कसम खाएँ
कसम निभाउने समय पनि त दिएनौ
तिम्रो गोरेटोमा कसैले हिरामोती जडित पुल बाँधिदिए
पछी यो गरीबको झुपडी धाउने गोरेटो पनि त भुलेउ
मैले तिमीलाई मेरो जिन्दगीको अमुल्य गहना सम्झे
तर तिमी अर्कैको बगैंचामा सजिन पुग्यौ
त्यसैले मलाई दोषी नसम्झनु दोष हामी दुइमानै थियो!!