पक्षघातले पीडित मेरो देश


आचार्य प्रभा

अचेल मेरो देश ...
पक्षघातले पीडित छ
पोख्त डक्टरहरुको अभावमा
असम्भव छ यो रोगको
निराकरण हुन
किन कि,
यहाँ डक्टरहरुको माथिङ्गल नै
स्वार्थ र पद्लोलुपताको होड्बाजिमा
भौतारिरहेको छ ।
बिचरा मेरो देश ,
सहि उपचारको अभावमा
अपाङ्ग बनिरहेछ ।
निस्वार्थी सेवकहरुको उपचारको आशामा
म्रीततुल्य भैरहेछ ,
हुन पनि त हो ,
अपाङ्ग र अशक्तताको अभावमा
मेरो देश किन निरीह नहोस् ?
सहि स्याहार र आश्वासनको अभावमा
मेरो देश रोगले ग्रस्त छ ।
बाँच्नुको अपेक्षामा अर्धचेतन
भै लडिरहेछ ,
संजिवनि दिने हातहरुको आशामा
आँखाहरु बिछ्याइ रहेछ ।
अचेल मेरो देश ,
मानसिक रोगले भयभीत छ
पक्षघातले पीडित छ ।
(रडियो नेपालको स्पन्दन कार्यक्रममा २०६१ सालमा बाचन् गरिएको )

No comments: