शब्दकोष र शब्दहरु


टंक सम्वाहाम्फे

शब्दहरु
शब्दकोषको पर्खाल नाघेर
बाहिरीएकाछन्
जुन शब्दहरु युगौ देखि
शब्दकोषमा कैदी थिए
तीनै शब्दहरु
आज स्वतन्त्र भएकाछन्
त्यसैले यी शब्दहरु
यत्रतत्र,र्सवत्र
वोल्न थालीएको छ
लेख्न थालीएकोछ
सुन्न थालीएकोछ
भेट्न थालीएकोछ
र त्यसका अर्थहरु खोज्न थालीएकोछ
शब्दमा मात्र सिमीत रहेका
शब्दहरु
यसरी ब्युझेकाछन्
जुर्मुराएर उठेकाछन्
र आवाजहरुमा परिणत भएकाछन्
आजभोलि तिनै शब्दहरु
जताततै घन्किन थालेकाछन्
शब्दहरुको
संयुक्त आवाजले
शासक थर्काएकोछ
सरकार डराएकोछ
किनकी शब्दहरु शब्दकोषबाट
विद्रोह गरेर
उन्मुक्त भएका हुन्
सुनामी छाल बनेर
शक्तिसाली वनेका हुन्
खिया परी सकेका शब्दहरुको अर्थ
अव नलाग्ने भएकोछ
र त्यसको परिभाषा
परिभाषीत नहुने भएकोछ
शब्दकोषमा उपेक्षित
शब्दहरु
शब्दकोषमा अपहेलित
शब्दहरु
आत्मा सम्मान लागि
र पहिचान लागि
नयाँ अर्थमा
नयाँ परिभाषामा
शब्दकोषको चौघेरा नाघेर
अस्तित्वमा आएका हुन्
त्यसैले शब्दहरु
अव शब्द भएर बाँच्नेछन्
यो समयमा पनि
शब्दहरुले
पुरानो शब्दकोषलाई अंगाली रहे
शब्दहरु मूल्यहीन हुनेछन्
शब्दहरु अर्थहीन बन्नेछन्
त्यसैले नयाँ शब्दहरुको लागि
नयाँ शब्दकोष चाहिएको छ
यर्सथ नयाँ शब्दहरुले
पुरानो शब्दकोषको
संरचना भत्काएर
नयाँ शब्दकोषको निर्माण गरिरहेकाछन्

2 comments:

Bhanendra Sambahamfe 'Jujhaaru' said...

Tankaji, its a good and symbolic poem. Must be written this kind of poem because time has come to change. Specially, the poem must be dedicated to those who are being supressed since decade by decade from so-called high cast and grade of people.I liked it and wish more this kind of poems from you in future.

Bhanendra Sambahamfe 'Jujhaaru' said...
This comment has been removed by the author.