अनुहार खोसिएका अनुहारहरु

गणेश राइ

खुल्नु
बन्द हुनु
ढोकाको नियति
खुल्छ आकाश देखिन्छ
बन्द हुन्छ सपना तुहिन्छ
आकाशमा फिजिन चाहने निर्दोषं सपनाहरुको हत्या
कति गरिरहन्छौ - ए हत्यारा ठेकेदारहरु हों !
ढोका बन्द नगर ढोकेहरु हो,
यो अपरिभाषित उपस्थिति
अनुहार हराएका मान्छे हामी
लुटिएर माटोको प्रगाढ सम्बन्ध
राज्यविहीन अस्तित्वको धरापमा
अझै कति कहलिनु आफ्नै घरभित्र अनागरिक
भासिइनुको अर्थ भर्‍याङ्ग ठडिनुरहेछ कसैका निम्ति
बिच्छेदित् आँधी जस्तो समयसँग
उज्यालोको निम्ति कति सम्झौंता गर्ने अध्यारोसँग
भो सैह्य छैन
यावाच्यो, स्विकार्य छैन ग्रहणले चाटेको यो जुठो दिन
समात्नुछ - बतासको बेग
बेह्रिनुछ - उज्यालोको सप्कोमा
चढ्नुछ - जीवनको असीमित उचाई
फेरि फेरि कहाँ खुल्छ र
कलुसित षड्यन्त्रले ताल्चा ठोकेको यो निरङकुश ढोका ?
जीवनका नम्बरीसपनाहरु कति तुहाउँछौं
आउँ मुद्दुम फलाकौं
घुरेन,चुम्लुड,थुम अनि चोमोलुङमासम्म फैलिएको हाम्रो आफ्नो चार किल्लाभित्र
यावाच्यो हामी आफैले निस्पिmक्रि कोर्नु पाउनु पर्छ
आफ्नो माटोमा हाम्रो आफ्नो घर
बिपना हुँन नपाएका दमित सपनाका इन्द्रेणीलाई

जीवन कै निम्ति समर्पण गरौं
आँधी जस्तो बेगवान समय फुत्त फत्किन के बेर
उज्यालो छदै हिसाव किताव मिलाई हाल्न पर्छ
रात रहे अग्राख पलाउछ
फेरि पनि हामी फ्याकिन सक्छौं
त्यहीँ अध्यारो छिँडीमा
जहाँ हिजो जस्तै पुनः भोटे ताल्चा ठोकिइनेछ मुलढोकामा
परिणाम - उज्यालो पाउने भगिरथ प्रयत्नमा
बित्नेछन् बेअर्थ पहाड उचाल्ने हाम्रा जाँगरहरु
बहिस्कृत हुँनेछ आइन्सटाइन मस्तिष्क
बाध्य हुँनेछ हाम्रो पार्थिव देह
निःशव्द आफ्नै मृत्युको मलामि जान ,
उभिनु
उभिनु यस्तरी कि सोलोइवा झै आकाश ताकेर
साकेवा थानमा
गाँडिनु यस्तरी कि सिन्कौंली सेउली झैं
मान्छे(मान्छेको आस्थामा
नाथे !
६ फिट् चोखो माटोको लागि
कति भौतारिरहनु तेइ वनकालीमा

फर्काउनुछ खोसिएको पुर्खाको किपट
यावाच्यो अझै सुत्नमै सन्तुष्टी मान्ने हो भने
बन्द रहिरहँनेछ हिजो जस्तै त्यो ढोका निरन्तर
जुन ढोकाले निर्मम छेकेकोछ फैलन
चेतनाको हाम्रो असीमित आकाश
तयार छु यसबेला
हो तयार छु म साच्चिकै यतिबेला मस्तिष्क पड्किन
बर्षौ दबिएको ज्वारभाटा जस्तो
यावाच्यो माग्नु छैन अब कसैसँग हामीलाई
हाम्रो यलम्वर पहिचान
नश्लिय अधिकार
अनि रगत र पसिनाको मोल
विभेदको प्रतिक त्यो ढोका

जो खोलिएकोछ उदाङगो
सयौं आवाजहरुको एकमुष्ठ झापट्ले यतिबेला
आवाजहरु बोल्नुपर्छ विरोध
आवाजहरु ओकल्नुपर्छ असहमतिको ज्वाला
उथलपुथल हुँनुपर्छ खियाँग्रस्त बेकामे संरचना
अधिकार भोटे ताल्चाले कैद गरिदा पनि
चुप रहनुको अर्थ
फेरि अर्को षड्यन्त्रको जुवामा नारिनु तयार हाम्रा विचार
त्यसैले
आउ परास्त गरौं समस्त षड्यन्त्रको अक्टोपस नेर्टवर्क
परास्त गरौं बन्द ढोका र ढोकेहरुलाई
कि सधै-सधै हामी बिरानो हुँन नपरोस् आफ्नै माटोमा ।