गजल

भूपेन्द्र महत

मन भरीका रहर ओठ भरी डुलुन्
बसन्तको सुबास वरि परी घुलुन्

जमरा झै शान्ती मौलायोस अधरमा
आशाका कोपिला सुगन्ध छरी फूलुन्

तेरो मेरोको घेरो,नपाल अंधेरो,अतिसारो
सदभाबको ज्योतिले बिभेद तरी झूलुन्

मैलोको थैलो दुर्गन्ध,यो दैलो न त्यो दैलो
बिकारका तुष सपनामै टरी भूलुन्

आस्थाका देव देवी विश्वाशमा जागा छन्
कुसल मंगल तिम्रा पोल्टा भरी हुलुन्

आशिष थापी निधारमा आधारको टिका
बिजय श्री तिम्रो,खुशी घरी घरी फुलुन