सिमानाहरु

दिलिप योन्जन

सारिएका सिमानाहरु, पुरानै डोबमा गाड्नु छ

खुम्चिएको देशको नक्सा, फेरि नयाँ कोर्नु छ

टिष्टा र कांगडा फिर्ता, लिन लड्न बाँकी नै छ

उठ है उठ युवाहरु हो, देशको मुहार फेर्नु छ।

सन्धि र सम्झौतामा, मेरो देशको माटो हराइरहेछ

कहिले कोशी कहिले गन्डकी, पटक2 बिक्री भइरहेछ

मेरो देशमा बिदेशीको हावी, दिन दिनै बड्दो छ

उठ है उठ राष्ट्रप्रमी हो, फेरि वीरता देखाउनु छ

उठ है उठ युवाहरु हो, सन्धि र सम्झौतामा फेर्नु छ।

हिमालमा हिउँ रहिन्जेल, एक थोपा रगत भइन्जेल

झुक्ने छैनन् यी हातहरु, गोली हाने नि भालाले रोपे नि

माटो नै रङाउनेछु रगतले, झुक्दैन कहिले मेरो शिर

उठ है उठ देशभक्तहरु, एक जुट हुनु छ देशका सक्तिहरु

उठ है उठ युवाहरु हो, राष्ट्र र राष्ट्रियता बचाउनु छ।

अस्टिन, अमेरिका