मतलबी मान्छे

स्यानु पाईजा

मिठा मिठा शब्दले म तिमिलाई
कति माया गर्छु भन्ने पारे पनि
तिमीलाई मेरो प्रतिक्षा नगर्नु भन्ने मै नै हुँ ।
जिवनको भरोसा छैन फर्कने टुङ्गो छैन
मेरो सम्झनामा नरोऊ भन्ने मै नै हुँ।
खै के को अल्झन हो फेरि मनमा अल्झेको ?
साहेद म मेरो जिवनको एक्लोपनमा
तिम्रो मायालु साहारा पाउन ललायित भए हुँला।
मेरो मन मा फेरि कुन स्वार्थ जागे होला
कयौ पालुवा फेरेको तिम्रो मन
मेरो सम्झनाको काया पनि मरे होला ।
मायाले हेर्ने आँखाहरुमा कुनै आँखा मन परे होला ।
हामीले गरेका बाँचाहरु भुल्न धेरै बर्ष लागे होला
तिमीले ब्यक्त नगरेका पिडाहरुको कल्पना गरेर
म कति तिम्रो नजिक थिए भन्ने पार्न खोज्दैछु ।
या त तिम्रो ईमान्दारीताको पर्दा मा मैला छर्न खोज्दैछु ।
यो मतलबी दुनियाँको मतलबी मान्छे म
मलाई ग्लानी भैरहेको छ ।
एक्लो जिवनको दुखद पल हरुमा
तिम्रो सम्झना आईरहेको छ ।