गजल

भूपेन्द्र महत

अबमुल्यन भा'छु म त, मोल खोजछ्यौ तिमी

भासिएको गला न लय, बोल खोजछ्यौ तिमी

सल्केर मुटु डढेको मनमा पिडा छ कती

सुकेको छाती निचरी, झोल खोजछ्यौ तिमी

हल्लाको मान्छेहरु हल्लामा हांसे हल्ला गाँसे

हल्ला नछिर्ने कुन बस्ती टोल खोजछ्यौ तिमी

जिबनका खातामा भत्किएका सपना छ किन

खोलेरै भित्री पाना बाहिरी खोल खोजछ्यौ तिमी

समुन्द्रको लहरले छुन्न अत्यास त्यो प्यास

तैपनी चिनी पानीको गुलियो घोल खोजछ्यौ तिमी