तराइ रोइ रहेछ

बिमल गिरी

दु:खको क्षण

पिडाको सागर भित्र

आशुको बुद मिसाउदै

जीन्दगीका नाउ खियाइ रहेछन

आज तमाम तराइबासिहरु

कोशीका भयवित र उदास बगरहरुमा,

बिरह र ब्यथा सँगै सोकाकुल महा मुद्रामा

बेदनात्मक बन्धनबाट स्तब्ध

अनगिन्ती सोकाकुल सन्तानहरु बिच

ओठ् का थैली खोलेर

सिटामोल का दरिद्रिक मानसिकता

बोकी जिबित मृतका प्रतिमाहरु

सान्त्वनाका फोस्रा शब्दहरु

बाडन ब्यस्त छन,

हाहाकार र भय संगै

आशुका थोपाहरु लाई शुक्ष्म कण सम्झी

बेदनामा आशु पिउदै बाचिरहेका

उकुस मुकुस आँखाहरुका समिपमा

औपचारिकता का बकम्फुसे चिप्ला अभिलाषाहरु

ओकल्न आतुर छन बर्तमान बुल् फ्रगहरु

(यो क्यानडामा पाइने भ्यागुता हो यस्को आवाज १ कि मि सम्म सुनिन्छ तर केही अर्थ लाग्दैन)

चारपाने झापा हाल बेल्जियम